WhatsApp Users: వాట్సాప్ వాడేవాళ్లలో వందలో 99 మందికి ఈ విషయం తెలియకపోవచ్చు.. ఇదేగానీ తెలిస్తే...

 

స్మార్ట్‌ఫోన్‌లను వినియోగిస్తున్న వారిలో దాదాపు ప్రతి ఒక్కరూ వాట్సాప్ అకౌంట్‌ను కలిగి ఉంటున్నారు. నిన్న మొన్నటి వరకు ఈ ఇన్‌స్టెంట్ మెసేజింగ్ యాప్ ద్వారా చాటింగ్ ఇంకా ఫైల్ షేరింగ్ మాత్రమే సాధ్యమయ్యేది. ఇప్పుడు వాయిస్ కాల్స్, వీడియో కాల్స్ కూడా సాధ్యమవుతున్నాయి. కొంచెం క్రియేటివ్‍గా ఆలోచిస్తే మొబైల్ నెంబర్‌తో పనిలేకుండానే వాట్సాప్ అకౌంట్‌ను సెటప్ చేసుకోవచ్చు.

ముందుగా వాట్సాప్ యాప్‌ను గూగుల్ ప్లే స్టోర్ నుంచి డౌన్‌లోడ్ చేసుకుని మీ స్మార్ట్‌ఫోన్ లేదా టాబ్లెట్‌లో ఇన్‌స్టాల్ చేసుకోండి. యాప్ విజయవంతంగా మీ ఫోన్‌లో ఇన్‌స్టాల్ అయిన వెంటనే ఓపెన్ చేసి సెటప్ ప్రాసెస్‌ను మొదలుపెట్టండి. అకౌంట్ సెటప్ ప్రాసెస్‌లో భాగంగా మొబైల్ వెరిఫికేషన్‌ను మీరు పూర్తి చేయవల్సి ఉంటుంది.

తదుపరి చర్యలో భాగంగా గూగుల్ ప్లే స్టోర్‌ నుంచి TextNow యాప్‌ను డౌన్‌లోడ్ చేసుకోండి. TextNow యాప్ ఫోన్‌లో ఇన్‌స్టాల్ అయిన తరువాత, యాప్ మీకో ప్రత్యేకమైన నెంబర్‌ను కేటాయిస్తుంది. ఆ నెంబర్ ను ఓ పేపర్‌పై రాసుకోండి.

ఇప్పుడు మీ వాట్సాప్ అకౌంట్‌లోకి వెళ్లి ఆ నెంబర్‌ను వెరిఫికేషన్ బాక్సులో ఎంటర్ చేయండి. వెరిఫికేషన్ బై ఎస్ఎంఎస్ ఆప్షన్ కోసం 2 నిమిషాల పాటు ఎదురు చూడండి. ఎస్ఎంఎస్ రానట్లయితే వెరిఫికేషన్ బై కాల్ ఆప్షన్‌ను సెలక్ట్ చేసుకోండి. ఇప్పుడు మరోసారి TextNow యాప్‌లోకి వెళ్లండి. వాట్సాప్ వెరిఫికేషన్ కాల్ మీకు అందుతుంది. ఆ కాల్‌లో చెప్పే వెరిఫికేషన్ నెంబర్‌ను నోట్ చేసుకోండి. ఇప్పుడు వాట్సాప్ అకౌంట్‌ను ఓపెన్ చేసి సంబంధిత కాలమ్‌లో వెరిఫికేషన్ నెంబర్‌ను ఎంటర్ చేసినట్లయితే, మీ వాట్సాప్ అకౌంట్ సెటప్ ప్రాసెస్ విజయవంతంగా పూర్తి అవుతుంది.