వేసవిలో మాత్రమే దొరికే తాటి ముంజలు ఆహారంగా తీసుకుంటే మన శరీరంలో కలిగే మార్పులు ఏంటో తెలుసా..!!!

వేసవి కాలం ప్రారంభం అయిందంటే మన అందరికీ టక్కున గుర్తొచ్చేవి తాటి ముంజలు.వీటిని ఇంగ్లీషులో ఐస్ యాపిల్స్ అని కూడా అంటారు. కేవలం వేసవి లో లభించే తాటి ముంజలు అంటే ఇష్టపడని వారంటూ ఎవరూ ఉండరు. ఇవి అద్భుతమైన రుచితో పాటు మన శరీరానికి అవసరమైన అన్ని పోషక విలువలు సమృద్ధిగా అందించడంలో కీలక పాత్ర వహిస్తాయి. మృదువుగా ముట్టుకుంటే జారిపోయేంత సున్నింతగా ఉండే ఈ ముంజలను అలా నోట్లో పెట్టుకుంటే చాలు చల్లగా కడుపులోకి జారుకుంటాయి. అందుకే వేసవి తాపం వల్ల వచ్చే శరీరానికి డీ హైడ్రేషన్, అలసట లేకుండా చేస్తుంది. ఈ వేసవి కాలంలో ప్రతిరోజు తాటి ముంజలు తినడం వల్ల కలిగే ఆరోగ్య ప్రయోజనాలు ఇప్పుడు తెలుసుకుందాం..

వేసవిలో లభించే తాటి ముంజల ను ఆహారంగా తీసుకోవడం వల్ల ఇందులో ఉండే ఔషధ గుణాలు మన శరీరాన్ని ఎండ వేడి నుంచి కాపాడి శరీర ఉష్ణోగ్రతను తగ్గించి,డీహైడ్రేషన్, అలసట వంటి సమస్యలను దూరం చేస్తుంది.తాటి ముంజల్లో ఐరన్‌, కాల్షియం, బి కాంప్లెక్స్, నియాసిస్, రిబో ప్లెవీస్, దయామిన్, జింకు పాస్పరస్, పొటాషియం ,విటమిన్‌ ఏ, బీ, సీ, పుష్కలంగా ఉంటాయి వీటిని ఆహారంగా తీసుకోవడం వల్ల మన శరీరంలో వ్యాధి నిరోధక శక్తి పెరిగి అనేక రకాల వ్యాధులను దూరం చేస్తుంది.

ఒక్క తాటి ముంజలో ఆరు అరటిపండ్లలో ఉండే పొటాషియం ఉంటుంది ఇవి బీపీని అదుపు చేయడమే కాకుండా ముంజుల్లోని పొటాషియం శరీరంలో ఉండే విష పదార్ధాలను తొలగిస్తాయి.

తాటి ముంజుల మధ్యలో స్వచ్ఛమైన, రుచికరమైన నీరు ఉంటుంది. ఆ నీరు శరీరాన్ని చల్లగా ఉంచుతుంది. ఎండల్లో దాహార్తిని తీరుస్తాయి. వడదెబ్బ తగిలినవాళ్లకు ముంజులను జ్యూస్‌గా చేసి పట్టిస్తే వెంటనే ఉపశమనం లభిస్తుంది.

తాటి ముంజలు వేసవిలో వచ్చే చర్మ సమస్యలను నివారిస్తుంది. దద్దుర్లు, కాలిన గాయాలు, చేమట కాయలు ఏర్పడినట్లతే తాటి ముంజుల గుజ్జుని శరీరానికి పట్టించి చూడండి. మంచి ఫలితాలు లభిస్తాయి.

లేత తాటిముంజెలు పైన ఉన్న తొక్కను తొలగించకుండా తినేయండి అందులో ఉన్న పోషకాలు జీర్ణక్రియ సమస్యలతో బాధపడుతున్నవారికి మంచి ఔషధంలా పనిచేస్తుంది.

తాటి ముంజల్లో క్యాల్షియం ఎక్కువగా ఉంటుంది వీటిని తీసుకోవడం వల్ల ఎముకలు బలంగా ఉండి కీళ్లనొప్పులు వంటి సమస్యల నుంచి దూరంగా ఉండవచ్చు.

వేసవిలో మాత్రమే దొరుకుతూ మన శరీరానికి అవసరమైన అన్ని పోషక విలువలు కలిగి ఉన్న తాటి ముంజలు ఆహారంగా తీసుకోవడం మంచిదని వైద్యులు సూచిస్తున్నారు.