New Rules from August 1: అలర్ట్... ఆగస్ట్ 1 నుంచి అమలులోకి వచ్చే కొత్త రూల్స్ ఇవే...!!!

 ATM Cash Withdrawal: రిజర్వ్ బ్యాంక్ ఆఫ్ ఇండియా-RBI ఇటీవల ఏటీఎం ఇంటర్‌ఛేంజ్ ఫీజును పెంచిన సంగతి తెలిసిందే. ఆగస్ట్ 1 నుంచి ఏటీఎంలో ఫైనాన్షియల్ ట్రాన్సాక్షన్‌కు ఇంటర్‌ఛేంజ్ ఫీజు రూ.17 చెల్లించాలి. నాన్ ఫైనన్షియల్ ట్రాన్సాక్షన్‌కు రూ.6 చెల్లించాలి. ప్రస్తుతం ఇంటర్‌ఛేంజ్ ఫీజు ఫైనాన్షియల్ ట్రాన్సాక్షన్‌కు రూ.15, నాన్ ఫైనన్షియల్ ట్రాన్సాక్షన్‌కు రూ.5 ఉన్న సంగతి తెలిసిందే.

LPG Gas Cylinder Price: ఆయిల్ కంపెనీలు ప్రతీ నెల ఒకటో తేదీన ఎల్‌పీజీ గ్యాస్ సిలిండర్ ధరల్ని సవరిస్తూ ఉంటాయి. జూలైలో గ్యాస్ సిలిండర్ ధర పెరిగింది. మరి ఆగస్టులో సిలిండర్ ధర పెరుగుతుందా, తగ్గుతుందా అన్న విషయం ఆగస్ట్ 1న తెలుస్తుంది.

India Post Payments Bank: ఇండియా పోస్ట్ పేమెంట్స్ బ్యాంక్-IPPB కస్టమర్లు డోర్‌స్టెప్ సర్వీసులకు ఇక అదనంగా చెల్లించాల్సి ఉంటుంది. ఐపీపీబీ 2021 ఆగస్ట్ 1 నుంచి డోర్‌స్టెప్ సేవలకు రూ.20+జీఎస్‌టీ వసూలు చేయనుంది. ఇప్పటివరకైతే ఐపీపీబీ డోర్‌స్టెప్ సేవలకు ఛార్జీలు లేవు.

ICICI Bank: ఐసీఐసీఐ బ్యాంక్ పలు ఛార్జీలను సవరించింది. క్యాష్ ట్రాన్సాక్షన్స్‌పై లిమిట్, ఏటీఎం ఇంటర్‌ఛేంజ్, చెక్ బుక్ లాంటి అంశాల్లో 2021 ఆగస్ట్ 1 నుంచి కొత్త ఛార్జీలు అమల్లోకి వస్తున్నాయి. రెగ్యులర్ సేవింగ్స్ అకౌంట్ ఉన్నవారికి నాలుగు ట్రాన్సాక్షన్స్ ఉచితం. ఆ తర్వాత జరిపే లావాదేవీలకు రూ.150 ఛార్జీలు చెల్లించాలి. ఐసీఐసీఐ బ్యాంక్ కస్టమర్లకు హోమ్ బ్రాంచ్‌లో ప్రతీ రోజు రూ.1,00,000 వరకు లావాదేవీలు ఉచితం. రూ.1,00,000 దాటితే ప్రతీ రూ.1,000 కి రూ.5 ఛార్జీ చెల్లించాలి. కనీసం రూ.150 ఛార్జీ చెల్లించాలి. నాన్ హోమ్ బ్రాంచ్‌లో ప్రతీ రోజు రూ.25,000 వరకు లావాదేవీలు ఉచితం. రూ.25,000 దాటితే ప్రతీ రూ.1,000 కి రూ.5 ఛార్జీ చెల్లించాలి. థర్డ్ పార్టీ లావాదేవీలు రూ.25,000 వరకు ఉచితం. ఆ తర్వాత ప్రతీ లావాదేవీకి రూ.150 చెల్లించాలి. ఇక ఒక ఏడాదిలో 25 లీవ్స్ ఉన్న చెక్ బుక్ ఉచితం. ఆ తర్వాత 10 లీవ్స్ ఉన్న చెక్ బుక్‌కు రూ.20 చెల్లించాలి.

Central Board of Direct Taxes: 15సీఏ, 15సీబీ ఫామ్స్ ఎలక్ట్రానిక్ ఫైలింగ్ విషయంలో పలు సడలింపులు ఇచ్చింది సెంట్రల్ బోర్డ్ ఆఫ్ డైరెక్ట్ ట్యాక్సెస్. గతంలో జూలై 15 వరకు ఉన్న చివరి తేదీని ఆగస్ట్ 15 కి పొడిగించింది.

Honda Cars: హోండా కార్స్ ఆగస్టులో కార్ల ధరల్ని పెంచుతోంది. అయితే ఏఏ మోడల్స్‌పై ఎంత ధర పెరగనుందో ఇంకా తెలియదు.