Cheque Book: ఖాతాదారులకు అలర్ట్.....ఈ బ్యాంకు చెక్ బుక్స్ పనిచేయవు....!!

 బ్యాంకుల విలీనంతో (Banks Merger) అనేక మార్పులు వచ్చాయి. పాత బ్యాంకుల కస్టమర్లపై ఈ మార్పులు ప్రభావితం చేస్తున్నాయి.

కొత్త చెక్ బుక్స్ తీసుకోవాలంటే ఓ బ్యాంకు కస్టమర్లకు సమాచారం ఇచ్చింది. ఇతర బ్యాంకుల్ని విలీనం చేసుకున్న బ్యాంకులు ఈ మార్పుల గురించి కస్టమర్లను ఎప్పటికప్పుడు అప్రమత్తం చేస్తూనే ఉన్నాయి. ఇప్పుడు పంజాబ్ నేషనల్ బ్యాంక్ (Punjab National Bank) కూడా ఓ ముఖ్యమైన అలర్ట్ మెసేజ్ ట్వీట్ చేసింది. ఓరియెంటల్ బ్యాంక్ ఆఫ్ కామర్స్ (OBC), యునైటెడ్ బ్యాంక్ ఆఫ్ ఇండియా (UBI) పాత చెక్ బుక్స్ ఏవీ పనిచేయవని పంజాబ్ నేషనల్ బ్యాంక్ (PNB) వెల్లడించింది. ఇకపై ఆ కస్టమర్లు పంజాబ్ నేషనల్ బ్యాంక్ చెక్ బుక్స్ వాడాల్సి ఉంటుంది. eOBC, eUNI పాత చెక్ బుక్స్ 2021 అక్టోబర్ 1 నుంచి పనిచేయవని, వాటిని పంజాబ్ నేషనల్ బ్యాంక్ చెక్ బుక్స్‌తో అప్‌డేట్ చేయాలని కోరుతోంది.

పంజాబ్ నేషనల్ బ్యాంకులో 2020 ఏప్రిల్ 1న ఓరియెంటల్ బ్యాంక్ ఆఫ్ కామర్స్, యునైటెడ్ బ్యాంక్ ఆఫ్ ఇండియా విలీనం అయిన సంగతి తెలిసిందే. ఈ రెండు బ్యాంకుల కస్టమర్లు ఇప్పుడు పంజాబ్ నేషనల్ బ్యాంకు కస్టమర్లుగా మారారు. ఈ విలీన ప్రక్రియలో భాగంగా పంజాబ్ నేషనల్ బ్యాంకు అనేక మార్పులు చేస్తోంది. పంజాబ్ నేషనల్ బ్యాంకు ఐఎఫ్‌ఎస్‌సీ, ఎంఐసీఆర్‌తో కొన్న కొత్త చెక్ బుక్స్ తీసుకోవాలని పాత ఓరియెంటల్ బ్యాంక్ ఆఫ్ కామర్స్, యునైటెడ్ బ్యాంక్ ఆఫ్ ఇండియా కస్టమర్లను కోరుతోంది.