AP PRC: ఉద్యోగులకు సీఎం జగన్ గుడ్​ న్యూస్​- త్వరలోనే పీఆర్సీ....!!

 CM Jagan assures announcement of PRC soon: ఆంధ్రప్రదేశ్ ప్రభుత్వ ఉద్యోగులకు ముఖ్య మంత్రి జగన్​మోహన్ రెడ్డి శుభవార్త చెప్పారు. పీఆర్సీ ప్రక్రియపూర్తయిందని..

మరో 10 రోజుల్లో అధికారికంగా ప్రకటిస్తామని (CM Jagan on PRC) చెప్పారు.

వరద ప్రభావిత ప్రాంతాల్లో పర్యటిస్తున్న సీఎం జగన్​.. ఇవాళ తిరుపతికి చేరుకున్నారు. ఈ సందర్భంగా ఆయన్ను ఉద్యోగ సంఘాల ప్రతినిధులు కలుసుకుని తమ సమస్యలను వివరించారు. దీనిపై సానుకూలంగా స్పందించిన జగన్​.. ఇప్పటికే పీఆర్సీ ప్రక్రియ పూర్తయినట్లు (PRC in AP) వెల్లడించారు. ఈ విషయంపై అధికారిక ప్రకటన 10 రోజుల్లో ఉంటుందని హామీ ఇచ్చారు.

పీఆర్​సీ రగడ..

రాష్ట్రంలో గత కొంత కాలంగా పీఆర్సీ విషయంలో ఇటు ప్రభుత్వం, అటు ఉద్యోగ సంఘాల మధ్య తీవ్ర చర్చలు జరగుతున్నాయి. రాష్ట్ర ప్రభుత్వంపై ఉద్యోగ సంఘాలు పలు మార్లు నిరసన కూడా వ్యక్తం చేశాయి. ఎట్టకేలకు ఈ విషయంపై నేడు క్లారిటీ వచ్చింది.

జగన్ పర్యటన ఇలా..

గత నెల రాయలసీమ సహా వివిధ ప్రాంతాల్లో కురిసి వర్షాలకు (AP rains) జనజీవనం అస్తవ్యస్తమైంది. ఈ నేపథ్యంలో చేపట్టిన సహాయక చర్యలను ముఖ్యమంత్రి జగన్​ సమీక్షిస్తున్నారు. ఇందులో భాగంగా. నేడు తిరుపతిలో పర్యటిస్తున్నారు.

వరదల కారణంగా (AP Floods) నష్టపోయిన బాధితులతో మాట్లాడి వారికి అందిన సహాయక చర్యల గురించి అడిగి తెలుసుకున్నారు. అందిరికి ప్రభుత్వం అండగా ఉంటుందని భరోసా ఇచ్చారు.